პოლონეთის პრეზიდენტის, ვლადისლავ რაჩკევიჩის ისტორია საქართველოსა და პოლონეთის მეგობრობის ერთ-ერთი გამორჩეული სიმბოლოა. მომავალი პოლიტიკური ლიდერი 1885 წელს ქუთაისში, პოლონელი მოსამართლის ოჯახში დაიბადა. მისი წინაპრები საქართველოში თავისუფლებისთვის ბრძოლის გამო აღმოჩნდნენ - ვლადისლავის პაპა 1863 წლის პოლონეთის აჯანყებაში მონაწილეობისთვის ჯერ ციმბირში გადაასახლეს, შემდეგ კი კავკასიაში დასახლების უფლება მისცეს.
ქუთაისის მრავალეთნიკურ გარემოში გატარებულმა ბავშვობამ დიდი გავლენა მოახდინა რაჩკევიჩის მსოფლმხედველობაზე. განათლების მიღების შემდეგ ის პოლონეთის დამოუკიდებლობისთვის ბრძოლის ავანგარდში ჩადგა, ეკავა იურისტის, შინაგან საქმეთა მინისტრისა და სენატის მარშლის პოზიციები. მეორე მსოფლიო ომის უმძიმეს პერიოდში, 1939-1947 წლებში, ის იყო პოლონეთის პრეზიდენტი დევნილობაში და ქვეყნის სუვერენიტეტის უწყვეტობის სიმბოლოს წარმოადგენდა. დღეს ქუთაისში არსებული საქართველო-პოლონეთის მეგობრობის სკვერი და ვლადისლავ რაჩკევიჩის ძეგლი ამ ისტორიული კავშირისა და ორ ერს შორის არსებული ცოცხალი ურთიერთობის დასტურია.
ბიოგრაფია
ვიდეო
იქნებ გამოგრჩათ
ქართველები ოფიცრები პოლონეთში
არტემ არონიშიძე
ოფიცერი